Hér er jólajatan komin upp enn eitt árið. Hún laskast yfirleitt alltaf eitthvað milli ára.
Hún var keypt í Póllandi fyrir svona tíu árum. Pólverjar eru snillingar í jólaskrauti – ég er enn að leita að pólsku jólakúlunum sem ég fékk líka í Póllandi. Þær finnast stundum á sumrin, en eru alltaf horfnar á jólum.
Mesti skaðinn sem kom fyrir jötuna var þegar Jesúbarnið sjálft brotnaði. Það varð að útvega nýtt, en ekkert fannst í réttri stærð.
Því er Jesúbarnið hlutfallslega nokkuð stórt. En jatan er góð og öllum þykir vænt um hana.
