OECD, Efnahags- og framfarastofnun Evrópu, birtir í dag merkilega skýrslu. Þar er sýnt fram á að ójöfnuður hafi mjög neikvæð áhrif á hagvöxt.

Í skýrslunni er lagt til að skattar á ríkt fólk verði hækkaðir og að gripið verði til ráðstafana til að rétta hlut þeirra sem lakari hafa kjörin.

OECD birtir sláandi tölur um aukinn ójöfnuð sem hefur stóraukist síðan 1980. Ein afleiðingin er minni hagvöxtur. Til dæmis er staðhæft að breska hagkerfið væri mun stærra ef bilið milli ríkra og fátækra hefði ekki aukist svona mikið – svipuð dæmi eru tekin um fleiri hagkerfi.

Brauðmolahagfræði er algjörlega hafnað í skýrslunni, þeirri hugmynd sem varð ríkjandi á tíma Thatchers og Reagans að með því að létta álögum af ríku fólki myndi auður seytla í neðri lög samfélagsins. Það hefur reynst vera mesta vitleysa.