Hverjir verða næstir til að álykta um ráðherraembættið sem Sjálfstæðisflokkurinn á óráðstafað?
Landsamband sjálfstæðiskvenna ályktar að þetta skuli vera kona. Sambandið er reyndar með böggum hildar yfir Hönnu Birnu.
Kjördæmaráðið í Reykjavík ályktar að þetta skuli vera Reykvíkingur, nú sé enginn ráðherra úr Reykjavík suður.
Bæjarfulltrúar í Vestmannaeyjum vilja sunnlending, þeir nafngreina Unni Brá Konráðsdóttur.
Heimdallur ályktar að velja eigi hæfasta einstaklinginn, ekki hæfasta sunnlendinginn eða hæfustu konuna.
Hið lausa innanríkisráðuneyti hefur greinilega komið miklu róti á huga flokksmanna. Það hljóta einhverjir fleiri að geta ályktað eða skorað á flokksforystuna um þetta erfiða val.
