Daginn eftir sex ára afmæli hrunsins les maður þetta viðtal í Viðskiptablaðinu.

Þarna er rætt við „framkvæmdastjóra markaða“ hjá Landsbankanum sem hvetur til þess að fólk kaupi hlutabréf.

Nú er það svo að almenningur ætti alls ekki að hætta sér út á hlutabréfamarkaðinn íslenska. Þar eru fyrir lífeyrissjóðir, svokallaðir fjárfestar og einhverjir aðilar sem reyna að teika þá.

Og þá er líka athyglisvert að einmitt nú eru fyrir dómi stjórnendur í gamla Landsbankanum sem eru sakaðir um að hafa notað ýmis ráð til að tjakka upp verð hlutabréfa í bankanum fyrir hrun og halda því svo uppi með falsi.

Það þarf reyndar ekki annað er að skoða þróun íslenska hlutabréfamarkaðarins fyrir hrun til að sjá að þetta var gert, um það var líka fjallað í skýrslu rannsóknarnefndar.

En hinir ákærðu neita öllu – og traustið á íslenskum hlutabréfamarkaði er enn í núlli.