„Hvernig sem menn sem lengi hafa fylgst með sveit­ar­stjórn­ar­mál­um í þessu landi leita í hug­skoti sínu finna þeir hvergi lak­ari vitn­is­b­urð um stjórn­sýslu, fúsk og blekk­ing­ar við fram­kvæmd­ir fyr­ir offjár en í dæm­inu um hús Orku­veit­unn­ar.“

Svona hefst leiðari Morgunblaðsins í dag, en gera má ráð fyrir að þar haldi Davíð Oddsson ritstjóri á penna. Vitnar hann í viðtal RÚV við Guðmund Þóroddsson fyrrverandi forstjóra OR þar sem hann sagði að rekja mætti ástand hússins til skorts á viðhaldi eftir hrun. Davíð segir að með þessu sé bætt við hneykslið með skringilegum útskýringum:

Maður­inn læt­ur eins og hon­um sé ókunn­ugt um að ný­leg bygg­ing­in er tal­in ónýt, ekki vegna skorts á viðhaldi held­ur vegna þess hvernig var staðið að bygg­ingu húss­ins í hinni taum­lausu óráðsíu sem átti sér stað.

Davíð segir að byggingin sjálf hafi borið dauða sinn í sér frá fyrsta degi:

Það hef­ur loks komið skýrt fram þrátt fyr­ir all­an blekk­ing­ar­leik­inn af hálfu borg­ar­yf­ir­valda. Fram hef­ur komið að búið er að kasta á bálið rétt tæp­um 500 millj­ón­um króna – FIMM HUNDRUÐ MILLJÓNUM KRÓNA – til að kanna vanda­málið! Og niðurstaðan sem hafðist upp úr því dýra krafsi virðist hrópa fram­an í borg­ar­yf­ir­völd að húsið sé því sem næst ónýtt. Hvað eina sem gripið verður til mun kosta al­menn­ing í borg­inni og á höfuðborg­ar­svæðinu millj­arða króna til viðbót­ar og óvíst þó um ár­ang­ur af öllu sam­an. Lík­leg­ast til var­an­legs ár­ang­urs sé að rífa húsið!,

segir Davíð. Segir hann það kúnstugt að heyra viðbrögð Dags B. Eggertssonar borgarstjóra um að það kæmi á óvart hvað tjónið væri ofboðslegt:

„Í hverju mál­inu á fæt­ur öðru kem­ur þessi trúnaðarmaður borg­ar­inn­ar eins og álf­ur út úr hól eða froskmaður úr foraði fjör­unn­ar í Reykja­vík þegar hann er spurður um stór­mál sem und­ir hann heyra. Það ligg­ur fyr­ir að borg­ar­bú­ar voru beitt­ir skipu­lögðum blekk­ing­um og upp­lýs­ing­um var haldið leynd­um í skjóli þess að um „op­in­bert hluta­fé­lag“ væri að ræða.“

Davíð segir að augljóst sé að setja verði af stað opinbera rannsókn á málinu:

Stærð þess, leyni­brall frá fyrsta degi og hags­mun­ir al­menn­ings gera slíkt óhjá­kvæmi­legt.