Jamie Carragher, fyrrum varnarmaður Liverpool segir að janúarglugginn hafi verið mikil vonbrigði fyrir félagið.

Liverpool keypti Virgi van Dijk frá Southampton fyrir 75 milljónir punda en hann á að reyna laga varnarleik liðsins.

Þá seldi félagið Philippe Coutinho til Barcelona fyrir 142 milljónir punda og Carragher er ósáttur við að félagið hafi ekki reynt meira til þess að halda honum.

„Þegar að þú missir þinn besta leikmann er erfitt að sjá hlutina á jákvæðan hátt, sérstaklega í janúar. Það voru allir stuðningsmenn liðsins sáttir með þá ákvörðun félagsins að halda honum í sumar,“ sagði Carragher.

„Það héldu allir að hann myndi fara í sumar en ég sá fyrir mér að við myndum njóta hans í tólf mánuði í viðbót líkt og Luis Suarez og Ronaldo þegar að þeir fóru til Spánar. Ég hélt aldrei að han yrði seldur á miðju tímabili.“

„Philippe Coutinho er ekki 142 milljón punda virði. Hann er ekki svona góður. Ég hefði tekið 20 til 30 milljónum pundum minna í sumar og haldið honum seinni hluta tímabilsins,“ sagði Carragher að lokum.