Dele Alli, sóknarmaður Tottenham segir að fólk muni alltaf gagnrýna hann, sama hvað.

Alli var frábær í 3-1 sigri liðsins á Chelsea um helgina og skoraði síðustu tvö mörk leiksins.

Hann byrjaði á bekknum í síðustu tveimur landsleikjum enska landsliðsins og vilja enskir miðlar meina að byrjunarliðssæti hans í Rússlandi sé nú í hættu.

„Fólk mun alltaf gagnrýna mig, sama hvað,“ sagði Alli.

„Ég reyni alltaf að standa mig fyrir liðið og hjálpa liðsfélögum mínum, ég reyni að taka þá gagnrýni sem ég fæ ekki inn á mig.“

„Mér finnst ég ekki hafa neitt að sanna, ég reyni bara að standa mig vel þegar að ég spila og ég gerði það gegn Chelsea,“ sagði hann að lokum.