Didier Deschamps, þjálfari franska landsliðsins segir að Paul Pogba, miðjumaður Manchester United sé ósáttur hjá félaginu.
Pogba hefur ekki átt fast sæti í byrjunarliðinu að undanförnu og er hann nú orðaður við brottför frá félaginu.
Jose Mourinho, stjóri liðsisn virðist hfaa misst þolinmæðina gagnvart Pogba eftir tap liðsins gegn Tottenham í ensku úrvalsdeildinni en hann hefur verið inn og út úr liðinu síðan.
„Pogba er ekki vanur því að ganga í gegnum erfiðleika en hann er að lenda í því núna,“ sagði Deschamps.
„Ég ræði við leikmennina þegar að þeir komu til móts við landsliðið því ég vil vita hvað sé í gangi hjá þeim. Ég þekki ekki alltaf alla söguna og vil því heyra hana frá þeim.“
„Þegar að þeir koma til móts við landsliðið þá skiptir félagsliðið ekki máli og það sem gerist þar hefur ekki áhrif á landsliðið. Ég þekki ekki málið nægilega vel en ég mun ræða betur við Pogba þegar nær dregur.“
„Hann er ekki ánægður, það er klárt en hvort það sé honum sjálfum að kenna eða einhverjum öðrum veit ég ekki,“ sagði þjálfarinn að lokum.
