Pepsi-deildin hefst í dag – Þessir leikmenn eiga eftir að gera gott mót
Hápressa Hjörvars Hafliðasonar
Staða: Markvörður
Frá: Stjarnan
Til: FH
Færeyski landsliðsmaðurinn var besti leikmaður Stjörnunnar á síðustu leiktíð og Íslandsmeistararnir höfðu hraðar hendur og náðu kappanum til sín. Frábær „shot stopper“ (að verja skot), talar mikið og hefur reynslu af toppfótbolta. Maðurinn sem hjálpar FH að ná skrefi lengra í Evrópu.
Staða: Sóknarmaður
Frá: KA
Til: Stjarnan
Fljótur og hraustur leikmaður sem getur leikið margar stöður. Aðeins 21 árs og hefur verið einn besti maður KA undanfarnar tvær leiktíðir. Ólíkt mörgum leikmönnum í deildinni þá getur Ævar Ingi gefið boltann sómasamlega fyrir markið. Hefur átt fast sæti í ungmennalandsliði Íslands.
Staða: Sóknarmaður
Frá: KR
Til: Víkingur Ó.
Vinnusamur framherji sem ákvað að halda heim eftir nokkur ár hjá stórliði KR. Fljótur sóknarmaður sem verður að skora mörk í sumar ætli lærisveinar Ejub Puresevic að halda sér uppi í deild þeirra bestu.
Staða: Miðjumaður
Frá: Breiðablik
Til: Valur
Guðjón Pétur er mættur aftur til Vals. Frábær spyrnumaður sem skilar alltaf mörkum og stoðsendingum. Tekur líklega aukaspyrnurnar fyrir utan teig í Pepsi-deildinni.
Staða: Varnarmaður
Frá: SönderjyskE (Danmörk)
Til: KR
Stórskemmtilegur, danskur hægri bakvörður, aðeins 22 ára. Leikinn leikmaður með gott auga fyrir spili. Getur tekið leikmenn á og er einstaklega góður í að klobba (setja boltann milli fóta) leikmenn. Leikmaður sem KR þurfti svo sannarlega á að halda.
Staða: Varnarmaður
Frá: Mjällby (Svíþjóð)
Til: Fjölnir
Makedóninn öflugi er mættur aftur í Grafarvoginn eftir stutt stopp í fyrra. Þá sáum við hversu öflugur hann var í hjarta varnarinnar. Glerharður varnarmaður sem gefur aldrei tommu eftir. Góður fótboltamaður en stundum full kærulaus. Mun hann endast úr leiktíðina í Grafarvoginum í þetta skiptið?
Staða: Sóknarmaður
Frá: KR
Til: Víkingur R.
Gullskór, silfurskór, maður stóru leikjanna. Gary Martin er sóknarmaður sem hefur svo sannarlega sannað sig í íslenskum fótbolta. Ef Gary spilar þá skorar hann. Sala hans til Víkings voru ein óvæntustu félagaskiptin í íslenska boltanum í vetur.
Staða: Sóknarmaður
Frá: KR
Til: Þróttur
Ferill Emils hefur staðnað nokkuð undanfarin tímabil en kappinn er ennþá aðeins 22 ára. Frábær skallamaður sem mun skila nýliðunum mörkum fái hann nóg af fyrirgjöfum. Loksins fær hann að vera „nía“ hjá félagsliði.
Staða: Sóknarmaður
Frá: Viking (Noregi)
Til: ÍA
Norðmaðurinn var einn af þeim fáu í Keflavík sem spiluðu vel sl. sumar. Röskur sóknarmaður með gott auga fyrir marki. Spilar alltaf með risabros á andlitinu og verður Skagamönnum mikilvægur, sér í lagi ef Garðar Gunnlaugsson meiðist.
Staða: Miðjumaður
Frá: Stjarnan
Til: ÍBV
Salvadorinn öflugi er mættur til Eyja til að stjórna miðjuspilinu. Verður gaman að fylgjast með honum en honum er ætlað stórt hlutverk. Tæknilega mjög góður leikmaður með eitraðan vinstri fót.
Staða: Varnarmaður
Frá: Viking (Noregi)
Til: KR
Leiðtoginn sem KR saknaði svo. Á vissan hátt spilandi þjálfari inni á vellinum. Indriði, sem hóf feril sinn sem vinsri bakvörður, leikur nú í stöðu miðvarðar. Hann og Skúli Jón Friðgeirsson mynda besta miðvarðaparið í deildinni.
Staða: Varnarmaður/Miðjumaður
Frá: Lilleström (Noregi)
Til: KR
Mjög fjölhæfur leikmaður sem er jafn góður í vörn og á miðjunni. Í KR er honum ætlað að leika á miðjunni. Finnur er mikill atvinnumaður og kom nokkuð á óvart að hann skyldi snúa aftur til Ísland eftir ágætt ár í Noregi.
Staða: Sóknarmaður
Frá: Haukar
Til: Valur
Markakóngur 1. deildar í fyrra með Haukum með 20 mörk. Spennandi kaup hjá Valsmönnum. Björgvin er fljótur leikmaður sem lifir fyrir að skora mörk. Ólafur Jóhannesson, þjálfari liðsins, hafði ekki trú á Björvini þegar hann var með hann hjá Haukum 2013 en greinilega hefur mikið breyst síðan þá.
Staða: Miðjumaður
Frá: Haugesund (Noregi)
Til: Breiðablik
Brasilíumaðurinn er nýorðinn 32 ára. Mikill stoðsendingakóngur. Góður fótboltamaður með einhvern besta hægri fóti í deildinni. Ætli Blikar sér langt í sumar verður Suður-Ameríkumaðurinn að færa þeim sambatakta.
Staða: Framherji
Frá: ÍBV
Til: Fylkir
Spánverjinn er helsta ástæðan fyrir því að Eyjamenn verða í deild þeirra bestu á þessari leiktíð. Hann kom til Eyja um mitt sumar í fyrra og bjargaði þeim frá falli. Klókur sóknarmaður sem mun skila mörkum í Árbænum. Hermann Hreiðarsson þjálfari gerði vel í að sækja kappann.
