Bandaríska leikkonan Gwyneth Paltrow vildi ekki leika í kynlífsatriði með leikaranum Ethan Hawke í myndinni Great Expectations árið 1998. Ástæðan var sú að hún vildi ekki að pabbi hennar myndi sjá atriðið.

Í nýlegu viðtali við tímaritið Vanity Fair ræddu Paltrow og Hawke gerð myndarinnar, sem var byggð á samnefndri skáldsögu Charles Dickens. Leikstjórinn Alfonso Cuaron vildi hafa kynlífsatriði í henni.

„Manstu eftir því þegar Alfonso lýsti ástaratriðinu?“ sagði Hawke við Paltrow og hún svaraði. „Guð minn góður. Ég hugsaði að pabbi minn ætti eftir að sjá þetta.“

Lýsti Hawke hvernig atriðið átti að vera. Það er að myndavélin ætti að fara niður eftir eftir maga Paltrow og upp að brjóstum hennar og svo andliti sem sýndi hana fá fullnægingu. Á þeirri stundu átti að koma mikil ljóssprenging.

„Snemma á ferlinum var ég mjög sjálfsmeðvituð um að pabbi minn og afi myndu sjá svona lagað,“ sagði Paltrow sem er 53 ára í dag en var 26 þegar myndin kom út. „Þetta angraði mig mjög. Í dag væri mér alveg sama.“

Þá sagði Hawke að honum væri mjög til efs um að þetta atriði myndi verða að veruleika. Einnig hældi hann Paltrow fyrir það hvernig hún tók á málinu og stoppaði atriðið af. Það hefði verið mjög fagmannlegt af henni.