Nú þegar styttist í Áramótaskaupið þar sem fjölskyldan sameinast yfir sjónvarpinu og horfir á grínið sem gert er að liðnu ári, atburðum þess og fólki sem kom við sögu í skandölum ársins er tilvalið að rifja upp það sem margir kalla besta Skaup allra tíma: Áramótaskaupið árið 1985.

Leikstjóri þess var Sigurður Sigurjónsson. Sigurður var jafnframt höfundur ásamt Karli Ágústi Úlfssyni, Randver Þorlákssyni, Þórhalli Sigurðssyni (Ladda) og Erni Árnasyni.

Leikararnir auk þeirra fimm voru Edda Heiðrún Bachman, Guðjón Pedersen og Tinna Gunnlaugsdóttir.

Skaupið árið 1985 einkenndist af stuttum og snörpum grín og tónlistaratriðum, þar sem þekkt popplög frá þessu ári voru stæld og textinn yfirfærður í íslenskt grín. Hver man ekki eftir Erni Árnasyni með veika löpp í vondum skó, skó?

Karl Ágúst og Laddi kynntu landsmenn í fyrsta sinn fyrir bræðrunum Magnúsi og Eyjólfi Laufdal.

Í kjölfar Skaupsins héldu handritshöfundarnir ásamt sínu samstarfi og kölluðu sig Spaugstofuna, en í janúar 1986 voru þeir beðnir um að sjá um Skaupið það ár. Spaugstofan var síðan fyrst sýnd í Ríkissjónvarpinu árið 1987 og voru þeim gestir á sjónvarpsskjám landsmanna frá 1989 til 2010 á RÚV og á Stöð frá 2010 til 2014 í alls 472 þáttum.

Sjáðu þetta frábæra Skaup í heild sinni hér.