Málið gegn manni, sem grunaður er um að hafa framið húsbrot í Hafnarfirði að næturlagi í september og brotið kynferðislega gegn tíu ára dreng, er talið líklegt til sakfellis. Frá þessu greinir RÚV sem hefur heimildir fyrir því að lífsýni mannsins hafi fundist á fatnaði drengsins.

Rannsókn málsins lauk fyrir skemmstu en lengst af var niðurstaða úr DNA-prófi það eina sem út af stóð. Hildur Sunna Pálmadóttir, sviðsstjóri ákærusviðs hjá lögreglunni, segir í samtali við RÚV að málið sé líklegt til sakfellingar.

Maðurinn var úrskurðaður í þriggja daga gæsluvarðhald eftir meint brot en sleppt að því loknu. DV hefur áður greint frá því að maðurinn er á fimmtugaldri, giftur og fjögurra barna faðir. Móðir drengsins er fyrrverandi vinnufélagi hans.

Foreldar drengsins stigu fram í skjóli nafnleyndar hjá Heimildinni og lýstu því hvernig martröðin sem þau upplifðu þessa nótt í september hefur markað líf fjölskyldunnar síðan.

Sjá einnig:

Hinn grunaði í Hafnarfjarðarmálinu var nýfallinn

Hafnarfjarðarmálið: Hinn grunaði hafði lítil sem engin tengsl við drenginn