Jabra Evolve 2 85 er vinsælasta heyrnartólið fyrir skrifstofuvinnu árið 2025, hjá viðskiptavinum tæknifyrirtækisins OK.

„Frá því að þessi tegund kom á markað hefur hún slegið í gegn hjá viðskiptavinum okkar. Meginskýringin á því hversu vinsæl hún er má rekja til þess að tækið útilokar óþarfa hávaða og gefur þannig notendum kost á að ná einbeitingu án utanaðkomandi truflunar. Jabra Evolve2 85 er með samtals tíu hljóðnema, sem eru dreifðir um heyrnartólið en hluti þeirra hefur það hlutverk að útiloka bakgrunnshljóð og hindra að það skili sér til viðmælanda. Þetta er lykilatriði í hávaðasömu umhverfi,“ segir Kristinn Helgason vörustjóri hljóð- og myndlausna hjá OK.

„Þá er Jabra Evolve2 85 með afar góða rafhlöðuendingu; eða allt að 37 klukkustundir með virkri hljóðeinangrun (ANC) og Bluetooth. Ef slökkt er á ANC getur endingin verið enn lengri. Þá getur 15 mínútna hraðhleðsla gefið allt að 8 klst notkun,“ segir Kristinn.

„Við sjáum mikinn vöxt í sölu á Jabra Evole2 85 á þessu ári og ljóst að gott orðspor hefur skilað sér til viðskiptavina,“ segir Kristinn. Hann bendir á að heyrnartólin hafa fengið afar góða dóma hjá helstu tæknimiðlum sem fjalla um tæknibúnað hverju sinni. Má þar nefna Headset Advisor, PCMag og BestChoice.com.