Hákon Rafn Valdimarsson var í byrjunarliði Brentford sem tapaði 2-0 gegn Manchester City í enska deildarbikarnum í kvöld.
Hákon gat lítið gert í frábæru marki City í fyrri hálfleik en Rayan Cherki kom City yfir með geggjuðu skoti á 32. mínútu leiksins.
City var ekki að skapa sér mikið en Savinho tryggði 2-0 sigurinn í síðari hálfleik.
Brentford átti aðeins þrjú skot að marki í leiknum og var því lítið að ógna markinu, sigur City var aldrei í hættu í raun.
City er komið í undanúrslitin en Brentford er úr leik.
