„Mér líður eins og ég hafi farið í verslunarferð erlendis þetta var svo mikil upplifun og margt nýtt að sjá,“ segir Þóra félagskona FKA að loknu Jólarölti Viðskiptanefndar í Reykjanesbæ.

Jólarölt Viðskiptanefndar FKA var í samstarfi við FKA Suðurnes og FKA Suðurland í ár og komu konur víðs vegar af landinu til að hringja inn jólin saman.

Fyrsta stopp í einni af glæsilegum verslunum formanns FKA

Farið var með rútu úr Borgartúni og allar konurnar sameinuðust í Gæludýr.is á Fitjum hjá Ingibjörgu Salóme Sigurðardóttur formanni FKA sem tók fagnandi á móti sínum konum. „Við áttum saman góða kvöldstund á Suðurnesjum. Borðuðum, skáluðum, kynnumst, spjöllum, sungum, röltum og nutum. Dregið var úr stórglæsilegu happdrætti og það sló heldur betur í gegn,“ segir Íris Bettý úr Viðskiptanefnd eftir vel heppnað kvöld.

Eftir fordrykk og létt snarl í stórglæsilegri verslun formanns FKA var hópnum skipt niður í rútur sem fór á milli staða. Helmingur hópsins fór á Hafnargötuna og hinn helmingurinn í glerhúsið við Njarðarbraut (Fitjar). Hittist svo hópurinn á Velli mathöll þar sem konur fengu að smakka rétti á girnilegum stöðum mathallarinnar í glæsilegu og notalegu umhverfi.

Þvílík veisla fram undan hjá vinningshöfum í happdrætti.

Það er óhætt að segja að Blue Lagoon Skincare, Icewear, Grindavík Guesthouse, Center Hotels, Síminn, SÝN, Íslandshótel, Discover Grindavík og Hótel Keflavík hafi hækkað spennustigið með stórglæsilegum vinningum sem slógu í gegn í geggjuðu happdrætti. „Hver vill ekki stunda sjálfsrækt með hátíðarsett frá Blue Lagoon Skincare á aðventunni eða hafa það notalegt undir þykku, mjúku ullarteppi frá Icewear og horfa á gott sjónvarp,“ var haft eftir einni. „Nú eða eiga þess kost að fara á hótel eða í spa.“

Tekið var á móti konunum með hressingu ferðina á enda í hverju stoppi og Innocent Antioxidant Super Smoothie og súkkulaðikex frá ÓJ&K í millimál. „ÓJ&K brugðu sér í jólasveinabúninginn og gáfu hressingu ásamt poka af Skuggatári frá Kaffitári sem var vel til fundið þar sem keyrt var framhjá kaffibrennslunni þeirra á leiðinni á fjörið á Suðurnesjum,“ segir Guðný Birna Guðmundsdóttir formaður FKA Suðurnesja.

Skipuleggjendur á leiðinni í kósístund í Natura Spa

„Ég stóðst ekki mátið og bauð skipuleggjendum jólaröltsins í spa hjá mér,“ segir Ella hjá fyrirtækinu Allt önnur Ella ehf. sem rekur Natura Spa. Ella steig á svið og bauð konunum í nefndunum til sín til að njóta stundarinnar saman í slopp við arineld, fara í flot, gufu og pott og skála í dásamlegaum drykk á notalegu umhverfi. Til að gera langa sögu stutta sló þessi hugmynd í gegn.