Eins og flestum ætti að vera kunnugt glímir Bruce við heilabilun sem kallast á ensku frontotemporal dementia (FTD). Sjúkdómurinn hefur ágerst nokkuð hratt en leikarinn greindist fyrst með málstol árið 2022 en seinna varð ljóst að málstolið var einkenni alvarlegrar heilabilunar.
Í færslu á samfélagsmiðlum lýsir Rumer því að staðan í dag sé orðinn þannig að faðir hennar þekkir hana á köflum ekki.
Rumer segir að þrátt fyrir allar þær áskoranir sem fjölskyldan stendur frammi fyrir sé hún þakklát fyrir að geta enn knúsað föður sinn. „Hann finnur fyrir ástinni sem ég gef honum og ég finn fyrir ástinni á móti. Ég sé enn neista í honum og hann finnur fyrir ástinni sem ég gef honum,“ sagði hún.
Dóttir Bruce, Tallulah, lýsti því á dögunum í viðtali við The Today Show að sumir dagar væru erfiðari en aðrir.
„En ástin er alltumlykjandi. Það sem þetta hefur kennt mér er að taka engu augnabliki sem sjálfsögðum hlut,“ sagði hún.
