Fyrrverandi hertogaynjan af York Sarah Ferguson heldur áfram að finna fyrir miklum áhrifum af hneykslismáli fyrrverandi eiginmanns  hennar, Andrew Mountbatten-Windsor.

Væntanleg barnabók Ferguson Flora and Fern: Kindness Along the Way hefur verið tekin úr útgáfu eftir nýleg ummæli. Bókin átti upphaflega að koma út 9. Október. Útgáfudegi var frestað til 20. nóvember, en nú er greint frá að alfarið hafi verið hætt við útgáfuna.

„Henni hefur ekki verið frestað, heldur hætt við útgáfu,“ sagði heimildarmaður í útgáfunni við Daily Mail. „Þetta er viðurkenning á því sem óumflýjanlegt er. Enginn mun vilja kaupa bókina.“

Fréttirnar koma í kjölfar endalausrar slæmrar umfjöllunar um Ferguson (66).

Fyrr í þessum mánuði svipti Karl konungur fyrrverandi eiginmann Ferguson, Andrew Bretaprins,  konunglegum titlum hans vegna  tengsla hans við hinn látna, dæmda barnaníðing Jeffrey Epstein.

Andrew, nú þekktur sem Andrew Mountbatten-Windsor, var einnig með fjarlægður með valdi úr Royal Lodge, heimilinu sem hann deildi með Ferguson. Ferguson missti einnig titilinn hertogaynau af York og var sömuleiðis rekin úr Royal Lodge.

Ferguson og Andrew voru gift frá 1986 til 1996 og eiga saman dæturnar, Beatrice (37)  prinsessu, og Eugenie (35) prinsessu.

Eins og The Post hefur áður greint frá, eyddu Ferguson og Mountbatten-Windsor bæði tíma með Epstein, og fyrrverandi hertogaynjan er sögð hafa tekið 20.000 dala lán frá Epstein  og sent honum tölvupóst eftir að hún gagnrýndi hann opinberlega.

„Ég veit að þú finnur fyrir miklum vonbrigðum af mér miðað við það sem þér var sagt eða lesið og ég verð auðmjúklega að biðjast afsökunar á því við þig og hjarta þitt,“ skrifaði hún til mannsins sem hún kallaði „kæri Jeffrey“.

Eftir að tölvupóstarnir komu fram í dagsljósið fyrr á þessu ári  hættu nokkrar góðgerðarstofnanir að nota Ferguson sem verndara.

Virginia Giuffre, sem Epstein neyddi í mansal og tók eigið lífi, hélt lengi fram að hún hefði verið neydd til að stunda kynlíf með Andrew. Hann neitaði ásökununum en greiddi Giuffre milljónir dala  í skaðabætur.

Page Six hefur greint frá því að vinir Ferguson hafi meiri áhyggjur af henni en Andrew og að Ferguson sé „á endalokum lífsins“.