Maður hefur verið ákærður fyrir nauðgun, kynferðisbrot og stórfellt brot í nánu sambandi með því að hafa í ótilgreindan fjölda skipta frá árinu 2020 fram til 2023 framið kynferðisbrot gegn stúlku þegar hún var á aldrinum 2ja til 5 ára.

Í ákæru Héraðssaksóknara sem DV hefur undir höndum hafa verið afmáðar upplýsingar um tengsl barnsins og hins ákærða en af samhengi má leiða líkur að því að um föður eða stjúpföður sé að ræða, þó er ekki hægt að fullyrða um það.

Í ákæru segir að ákærði hafi misnotað freklega yfirburðarstöðu sína gegn barninu, traust hennar og trúnað. Hann hafi endurtekið og á alvarlegan hátt ógnað heilsu og velferð stúlkunnar með því að snerta kynfæri hennar með fingrum sínum og hafa við hana önnur kynferðismök en samræði með því að setja fingur inn í leggöng hennar.

Var með barnaníðsefni

Maðurinn er einnig ákærður fyrir vörslu barnaníðsefnis en við húsleit lagði lögregla hald á fartölvur og minnslykla. Fundust á þessum tækjum hundruð ljósmynda og kvikmynda sem sýna börn nakin og á kynferðislegan hátt.

Fyrir hönd barnsins er gerð krafa um miskabætur að fjárhæð fjórar milljónir króna.

Fyrirtaka verður í málinu við Héraðsdóm Reykjavíkur 1. desember. Réttarhöld í málinu eru lokuð.