„Ég er miður mín yfir hvað borgarstjóri sýnir mikinn hroka í því að hunsa okkur svona og ég held þau viti að við höfum réttmætar og eðlilegar áhyggjur af þessum hverfum,“ segir Bergur Þorri Benjamínsson, formaður aðgengishóps ÖBÍ réttindasamtaka, í samtali við Morgunblaðið í dag.

Í viðtalinu gagnrýnir Bergur það að ekki hafi verið hlustað á athugasemdir vegna aðgengismála fyrir fatlaða í skipulagsáætlunum nýrra hverfa.

„Ég er bú­inn að reyna að vekja at­hygli á slæmu aðgengi í borg­inni aft­ur og aft­ur. Og það er orðið ansi slæmt þegar maður þarf að vakta skipu­lags­áætlan­ir borg­ar­inn­ar til að sjá hvað standi til að gera í nýj­um hverf­um, þar sem aðgengi fatlaðs fólks er ekki tekið með inn í mynd­ina,“ segir hann í viðtalinu og nefnir dæmi um Veðurstofureitinn og Keldnahverfi.

Hann segist hafa óskað eftir fundi með borgarstjóra en einu svörin sem hann hefur fengið er tölvupóstur með eftirfarandi upplýsingum:

„Við telj­um að í ljósi fram­an­greinds sé ekki þörf á fundi með borg­ar­stjóra að svo stöddu en ekki hika við að hafa sam­band haf­ir þú ein­hverj­ar spurn­ing­ar.“

Nánar er fjallað um málið í Morgunblaðinu í dag.