Gísli Gottskálk Þórðarson hefur átt frábært ár í fótboltanum. Hann var seldur til pólska stórliðsins Lech Poznan, þar sem hann varð meistari í vor. Þá var hann valinn í íslenska landsliðið fyrir komandi leiki í undankeppni HM.
Gísli kom til Lech Poznan frá Víkingi í janúar og var um leið farinn að spila stóra rullu með aðalliðinu. Hann meiddist svo í vor en lét það ekki á sig fá og er kominn aftur inn í liðið.
„Ég er mjög sáttur í Póllandi. Ég kom svolítið fljótt inn í þetta í janúar, hélt ég þyrfti kannski aðeins meiri tíma til að vinna mig inn í þetta. Ég lendi í meiðslum en eftir þau er ég búinn að spila flesta leiki og í stóru hlutverki. Svo ég er mjög sáttur og liðið á góðum stað.“
En var ekki erfitt að lenda í meiðslunum eftir að þú varst kominn inn í hlutina svona snemma í Póllandi?
„Já, já. En ég sagði það á sínum tíma að tíminn líður svo hratt í fótboltann. Þetta var allt í einu bara búið og nú er ég ekki einu sinni að pæla í þessu. Það eru bara leikir á þriggja daga fresti. Þetta var bara áskorun sem maður þurfti að tækla.
Þetta er stórt umhverfi, stór völlur, kröfuharðir og alvöru stuðingsmenn. Það er gaman en alveg pressa að spila fyrir þetta lið, sem er geggjuð tilfinning. Þetta er gott umhverfi til að þroskast og verða betri.“
Ítarlegra viðtal er í spilaranum.
