„Mér finnst drátt­ur­inn á þessu máli mjög sér­stak­ur,” segir Hildur Björnsdóttir, oddviti Sjálfstæðisflokksins í borgarstjórn, í samtali við Morgunblaðið í dag.

Ráðning á innri endurskoðanda borgarinnar hefur dregist í hálft annað ár og staðgengill gegnt starfinu. Hildur segir að staðan sé óviðunandi og mikilvægt sé að ráða innri endurskoðanda sem allra fyrst eftir faglegum leiðum.

„Innri end­ur­skoðandi er gríðarlega mik­il­væg­ur eft­ir­litsaðili fyr­ir okk­ur í borg­ar­ráði. Þegar upp koma al­var­leg mál ósk­um við eft­ir út­tekt hjá innri end­ur­skoðun og þá skipt­ir máli að viðkom­andi njóti fulls trausts og hafi verið ráðinn eft­ir fag­leg­um og hlut­læg­um leiðum,“ seg­ir Hild­ur við Morgunblaðið.

Morgunblaðið hefur eftir heimildum sínum að unnið sé að því hjá borginni að breyta reglum í þá veru að borgarráð annist ekki ráðningu á innri endurskoðanda heldur borgarstjóri sjálfur. Á sama tíma eigi hann þó að vera óháður í sínum störfum.

Hildur segir við Morgunblaðið að mikilvægt sé að ráðningarferlið hefjist sem fyrst.

„Þetta er enn eitt dæmið um stjórn­un­ar­vanda inn­an borg­ar­kerf­is­ins og er einn af þeim þátt­um sem gríðarlega mik­il­vægt er að séu í föst­um skorðum, svo tryggja megi að innri end­ur­skoðandi njóti trausts allra borg­ar­ráðsfull­trúa. Til að út­tekt­ir hans séu hlut­laus­ar og fag­leg­ar er grund­vall­ar­atriði að hann sé ráðinn eft­ir fag­leg­um leiðum, en ekki hand­val­inn af borg­ar­stjóra,“ seg­ir Hild­ur við Morgunblaðið þar sem nánar er fjallað um málið.