Bandarísku hjónin, Ellen DeGeneres og Portia de Rossi hafa sett heimili sitt í Bretlandi á sölu eftir að hafa aðeins búið þar í mánuð og átt í um ár.

DeGeneres lýsti því nýlega yfir í viðtali við BBC að þær hefðu tekið ákvörðun um að flytja frá Bandaríkjunum og setjast að í Bretlandi eftir að Donald Trump tók aftur við embætti forseta Bandaríkjanna. Upphaflega ætluðu þær aðeins að dvelja í Bretlandi í nokkra mánuði árið 2024, og komu til landsins degi áður en Trump var kjörin. Eftir að vakna morguninn eftir með fjölda skilaboða frá vinum þeirra tóku þær ákvörðun um að vera um kyrrt.

Þær hafa nú sett bóndabæ sinn í Cotswals á sölu fyrir 30 milljónir dala, sem er 10 milljónum meira en en þær keyptu á vorið 2024. Þrátt fyrir að hafa búið þar í stuttan tíma hafa þær gert miklar endurbætur á 43 hektara eigninni, sem kölluð er Kitesbridge Farm.

Eignin  samanstendur af nokkrum byggingum, og eru sumar þeirra tengdar saman með lokuðum glergöngum, og er samtals 1543 fermetrar að stærð. Aðalhúsið, sem upphaflega var byggt á 18. öld, er með sex svefnherbergi og tengist tveggja svefnherbergja gistihúsi.

Á búinu er einnig veisluhlaða með krá, upphitaður bílskúr fyrir fimm bíla og með eldhúskrók, og aðskilin líkamsræktarstöð með tækjasal og upphitaðri sundlaug.

Hjónin, sem eru þekkt fyrir að kaupa hús, endurbæta og selja aftur, fékk að sögn 70 starfsmenn til að gera upp eignina að fullu á aðeins fjórum og hálfum mánuði (þrátt fyrir að verktakar hafi sagt þeim að það gæti tekið 18 mánuði).

DeGeneres og de Rossi bjuggu aðeins í húsinu í mánuð og hafa þegar flutt í nýtt hús í nágrenninu sem er mun stærra og nútímalegra með nægu lóðarrými fyrir alla hesta de Rossi.

„Þegar við ákváðum að búa hér til frambúðar vissum við að Portia gæti ekki lifað án hestanna sinna,“ sagði DeGeneres. „Við þurftum hús með aðstöðu fyrir hesta og haga fyrir þá.“

Fasteignasali þeirra sagði að nýja höfðingjasetur þeirra líti út fyrir að eiga heima í Malibu.

Hjónin seldu strandhús sitt í Montecito í Kaliforníu fyrir 5,2 milljónir dala í mars.