David de Gea hefur lofað því að opna sig um hvað nákvæmlega átti sér stað árið 2015 er hann var við það að ganga í raðir Real Madrid.
De Gea var þá leikmaður Manchester United en hann var hársbreidd frá því að semja við Real 2015 en það tókst ekki fyrir gluggalok.
De Gea er í dag markvörður Fiorentina en hann neitar að fara út í smáatriði á meðan hann er enn að spila.
,,Ég mun tala um allt þetta þegar ferlinum er lokið, þegar hlutirnir ganga ekki upp þá er ástæða fyrir því,“ sagði De Gea.
,,Við vorum nálægt þessu en skiptin voru ekki kláruð. Að lokum endaði þetta vel því Manchester er mitt heimili.“
