Aaron Phypers, eiginmaður Denise Richards, neitar ásökunum um ofbeldi og segir þær „skaðlegar og tilefnislausar“. Neitar hann því að hafa nokkurn tíma beitt Richards líkamlegu eða tilfinningalegu ofbeldi eftir að hún sakaði hann um ofbeldi og fékk nálgunarbann. Hjónin standa nú í skilnaði.

Sjá einnig: Fær nálgunarbann eftir að hafa sakað eiginmanninn um ofbeldi – Harka færist í skilnaðinn

Í dómsskjölum sem Richards lagði fram á miðvikudag heldur hún því fram að Phypers hefði oft kyrkt hana, slegið hana í andlitið og höfuðið og einu sinni hótað að drepa hana, ásamt öðrum ofbeldisfullum átökum.

„Ég vil svara nýlegum sögusögnum og vangaveltum sem hafa komið upp varðandi samband mitt við konu mína, Denise Richards,“ sagði Phypers í yfirlýsingu til People. „Leyfið mér að vera alveg skýr: Ég hef aldrei beitt Denise, eða neinn annan, líkamlegu eða tilfinningalegu ofbeldi. Þessar ásakanir eru algjörlega rangar og djúpt særandi. Denise og ég, eins og mörg pör, höfum staðið frammi fyrir okkar skerf af áskorunum, en allar ábendingar um ofbeldi eru algerlega ósannar. Ég hef alltaf reynt að nálgast hjónaband okkar með kærleika, þolinmæði og virðingu.“

Phypers bað um friðhelgi vegna skilnaðar síns og Richards.

„Ég vona að almenningur og fjölmiðlar muni forðast að dreifa skaðlegum og tilefnislausum fullyrðingum,“ sagði að lokum í yfirlýsingu hans.

Richards, 54 ára, fékk tímabundið nálgunarbann gegn Phypers, 52 ára, á miðvikudag.

„Í gegnum allt samband okkar beitti Aron mig oft kyrkingartaki, kreisti höfuðið á mér með báðum höndum, kreisti handleggina á mér fast, sló mig í andlitið og höfuðið og lamdi höfðinu á mér í handklæðahengið á baðherberginu,“ fullyrðir Richards í dómsskjölum sínum.

Meðal fleiri ásakana var að hann hótaði að drepa hana og sjálfan sig ef hún kærði hann til lögreglunnar.

Phypers sótti um skilnað frá Richards fyrr í þessum mánuði.

Í dómsskjölunum lýsir Richards meintu rifrildi sem átti sér stað 4. júlí og leiddi til sambandsslitanna. Richards hélt því fram að Phypers hefði orðið reiður eftir að hún sagði honum að hann og fjölskylda hans þyrftu að flytja út af heimili þeirra. 

„Í næstum tvær klukkustundir komst Aaron ítrekað innan við fimm sentimetra frá andliti mínu og öskraði á mig niðrandi blótsyrði, þar á meðal hóru og öskraði á mig: „Engum líkar við þig,““ hélt hún fram. „Aaron greip ítrekað fast í vinstri handlegg minn á árásargjarnan hátt. Ég sagði Aaron ítrekað að hann þyrfti að halda sig frá mér og að hann ætlaði að meiða mig.“