Hin 24 ára gamla Íris Líf Stefánsdóttir hefur vakið mikla athygli á samfélagsmiðlinum TikTok fyrir að deila með fylgjendum sínum góðum og hagnýtum sparnaðarráðum.
Íris Líf hefur sagst elska peninga og elska að spara og hefur meðal annars sýnt hvernig spara má við kaup á flugferðum og gistingu, hvar sé hægt að kaupa ódýran bakarísmat fyrir tuttugu stelpna gelluhitting og hvernig hægt er að halda utan um fjármálin án þess að kosta miklu til.
Íris Líf hefur byggt upp mikinn hóp fylgjenda á Tik Tok, en hátt í tólf þúsund fylgja henni þar. Hún hefur sagt að hún ætli að hætta að vinna þegar hún er þrítug og til þess að hún geti gert það verður hún að spara.
Á dögunum setti Íris Líf út myndband þar sem hún sagðist vera að fara fund með fyrirtæki sem hana hefði dreymt um að starfa með. Fyrirtæki sem hún dýrkar og dáir og smellpassi við hana. Hún bað fylgjendur um að giska á hvaða fyrirtæki þetta væri og svörin létu ekki á sér standa. Myndbandið fékk góðar viðtökur en um þrjátíuþúsund hafa horft á það og fjöldinn allur reyndi að geta upp á hvaða fyrirtæki þetta væri.
@irislifstefansGellur elska góða fundi ☕️
Eftir fundinn greindi Íris Líf frá því í öðru myndbandi að fyrirtækið umrædda væri Bónus en sjálf segist hún vera mesta Bónus Fan Girl í heimi.
@irislifstefans #stitch with @Íris Líf | Digital Nomad ♬ original sound – Íris Líf | Digital Nomad
Eftir samningaviðræður milli Bónus og Írisar Lífar náðist loks samkomulag. Segir Íris Líf að Bónus hafi reynt að prútta við hana um verð, sem hún var afar ánægð með að Bónus hafi gert og „Mjög on brand fyrir Bónus að vilja fá ódýrasta verðið alls staðar“.
@irislifstefans Replying to @Þórunn ♬ original sound – Íris Líf | Digital Nomad
