Fólk á það til að gleyma hversu gamall besti leikmaður Chelsea, Cole Palmer, er í raun og veru segir liðsfélagi hans Tosin Adarabioyo.

Tosin þekkir Palmer vel en sá síðarnefndi hefur verið besti leikmaður liðsins undanfarin tvö ár eftir komu frá Manchester City.

Palmer var í raun óþekktur leikmaður fyrir rúmlega tveimur árum síðan en er gríðarlega vinsæll á meðal stuðningsmanna Chelsea í dag.

,,Ég hef þekkt Cole síðan hann var ungur strákur og að sjá hann á öllum þessum borðum á völlunum gerir mig stoltan. Ég held að fólk gleymi því að hann er bara 23 ára gamall og þrátt fyrir það er hann eitt af andlitum mótsins.“

,,Augljóslega hefur líf hans breyst undanfarin tvö ár, ég grínast stundum í honum og kalla hann ‘litla ofurstjörnu.’

,,Hann elskar að spila fótbolta og það er Cole Palmer fyrir ykkur.“