Orkumótinu í Vestmannaeyjum lauk í gær, laugardag. Orkumótið er keppni drengja í 6.flokki og hefur verið haldin linnulaust í yfir 40 ár.

Þar gerðu strákarnir í HK-1 sér lítið fyrir og sigruðu mótið í flokki A liða og eru því Orkumótsmeistarar.

Í úrslitaleiknum mættu HK öflugu liði Þróttar R. og eftir að Kristófer Aron Kristjánsson hafði komið HK yfir í fyrri hálfleik, þá jöfnuðu Þróttur og fór leikurinn alla leið í vító þar sem HK bar sigur úr býtum og eru því Orkumótsmeistarar 2025.

Tveir leikmenn HK, þeir Marinó Þorsteinn Kristjánsson og Kristófer Aron Kristjánsson voru svo valdir í lið mótsins.

Þjálfarar HK á mótinu voru þeir Bjarni Valur Valdimarsson, Arnar Gestsson, Axel Lúðvíksson og Andri Hjörvar Albertsson.