Arsenal er orðað við ansi marga leikmenn þessa dagana og einn af þeim er stjarna Atalanta á Ítalíu, Ademola Lookman.

Blaðamaðurinn Alfredo Pedulla segir að Lookman sé fáanlegur í sumar og fyrir um 50 milljónir evra.

Hann tekur einnig fram að Lookman vilji snúa aftur til Englands en hann þekkir vel til landsins og er uppalinn hjá Charlton.

Lookman hefur spilað með Charlton, Everton, Fulham og Leicester en var seldur til Atalanta 2022 þar sem hann hefur blómstrað.

Lookman er enn aðeins 27 ára gamall og gæti reynst öflugur kostur fyrir Arsenal á vængnum eða í fremstu víglínu.