Teddy Sheringham, goðsögn Manchester United, hefur hrósað fyrirliða liðsins, Bruno Fernandes.

Fernandes fékk risatilboð í hendurnar fyrr í sumar en hann gat fengið gríðarlega launahækkun með því að krota undir í Sádi Arabíu.

Fernandes ákvað þó að hafna því að semja þar í landi sem gladdi marga stuðningsmenn United og einnig Sheringham.

,,Það er frábært að Fernandes hafi ákveðið að vera áfram. Hann áttar sig á stærðargráðu United. United hefði getað selt hann fyrir 100 milljónir til Sádi Arabíu og hann er þrítugur,“ sagði Sheringham.

,,Ég verð að hrósa Fernandes, hann veit að United er ekki á toppnum í dag en þetta er enn eitt stærsta félag heims. Þú vilt vera þarna eins lengi og þú getur.“

,,Ég er mikill aðdáandi Bruno, hann er langbesti leikmaður liðsins og þú myndir alltaf vilja halda honum frekar en að losa hann.“