Jarell Quansah mun ganga í raðir Bayer Leverkusen á morgun en hann kemur til félagsins frá Liverpool.
Þetta hefur blaðamaðurinn Fabrizio Romano staðfest en Quansah er bókaður í læknisskoðun á mánudag.
Skiptin hafa legið í loftinu í einhverja daga en Leverkusen borgar Liverpool um 35 milljónir punda fyrir varnarmanninn.
Liverpool mun geta keypt leikmanninn til baka í framtíðinni en hann myndi þá kosta 60-70 milljónir.
Quansah spilaði 13 deildarleiki fyrir Liverpool á síðustu leiktíð og þá 25 leiki í öllum keppnum. Hann er 22 ára gamall.
