Lögreglan handtók Boelter tveimur dögum síðar eftir einhverja umfangsmestu leit í sögu Minnesota.
Jenny Boelter, eiginkona Vance, hefur nú tjáð sig um ódæðisverkin en það gerði hún í yfirlýsingu sem hún sendi frá sér í gærkvöldi.
Í yfirlýsingunni talaði Jenny um „svik“ eiginmannsins og sagði alla aðstandendur hans vera harmi slegna yfir glæpum hans.
„Þetta ofbeldi samræmist á engan hátt gildum okkar sem fjölskylda. Þetta eru svik við allt það sem við höfum álitið grundvallaratriði í okkar kristnu trú. Við erum slegin óhug og skelfingu yfir því sem átti sér stað,“ sagði Jenny og bætti við að hugur hennar væri hjá aðstandendum fórnarlambanna.
Hún bætti við að fjölskyldan hafi frá upphafi unnið náið með yfirvöldum frá því að lögregla hafði fyrst samband við þau.
