Allt frá því að Donald Trump tók við forsetaembættinu í janúar hefur stjórn hans gert margar breytingar á stjórnarháttunum í Bandaríkjunum. Nú er svo komið að Barack Obama, fyrrum forseti, hefur fengið nóg og segir að lýðræði í Bandaríkjunum sé í hættu.

„Það sem við sjáum núna, er eins og í einræðisríkjum.“ Þetta sagði Obama um hina pólitísku stöðu í Bandaríkjunum í dag. The Independent skýrir frá þessu.

Obama lét þessi ummæli falla í pallborðsumræðum hjá Connecticut Forum í Connecticut.

Á upptöku frá pallborðsumræðunum heyrist Obama einnig segja að hann telji að Bandaríkin séu „hættulega nærri því að glata lýðræðinu“ og vísaði þar til núverandi ástands í landinu. Hann er því einfaldlega að gagnrýna Donald Trump og stjórn hans.

Hann tók Ungverjaland sem dæmi um land þar sem kosningar fara fram en Bandaríkin telja samt sem áður ekki „sanngjarnt kerfi“. Hann segir að í hans huga séu Bandaríkin á svipaðri leið: „Við erum ekki alveg komin þangað en ég tel að við séum hættulega nærri því að gera svona hegðun eðlilega.“