Þetta er boðskapurinn um hvernig Rússland á að líta út 2050 en þetta var sett fram í nýrri skýrslu sem hugveitan Tsargrad, sem er ofuríhöldssöm rússnesk hugveita og fjölmiðlarekandi, gerði. Skýrslan var birt í síðustu viku en vakti ekki mikla athygli.
Í skýrslunni, sem heitir „Rússland árið 2050 – framtíðarsýn“, er Moskva í lykilhlutverki í baráttunni við frjálslynda heimskipan, sem byggist á reglum, í formi Vesturlanda.
Rússneskir öfgahægrisinnar skilja engan eftir í vafa um hvernig þeir sjá fyrir sér að Rússland verði byggt upp til framtíðar.
Skýrsluhöfundar segja að Rússland hafi náð besta árangrinum hvað varðar fullveldisþróun sína undir stjórn einræðisafla. Er þetta tilvísun til stjórnartíðar Ívans grimma, Péturs mikla, Nikulásar II og Stalíns og er ekki dregið dul á þetta í skýrslunni.
Tsargrad telur að Rússlandi hafi verið falið sérstakt verkefni af æðstu máttarvöldum: „Rússland er sjálfstætt menningarsamfélag sem guð hefur falið sérstakt andlegt og sögulegt verkefni,“ segir í skýrslunni.
Til að ná þeim markmiðum, sem eru sett fram í skýrslunni, þarf fæðingartíðnin í landinu að hækka úr 1,4 barni að meðaltali á hverja konu í 3 börn.
Hvað varðar utanríkismálin þá þarf að sölsa undir sig land, sem er nægilega stórt og fjölmennt, til að láta stórveldisdrauma öfgahægrimanna rætast.
