Stórlið á Englandi og Ítalíu hafa áhuga á Callum Hudson-Odoi hjá Nottingham Forest, ef marka má The Sun.
Þessi 24 ára gamli leikmaður átti flott tímabil er Forest tryggði sér Evrópusæti í fyrsta sinn í 30 ár, en samningur hans rennur út eftir aðeins ár.
Önnur félög sjá sér því gott til glóðarinnar. Hafa Manchester United, Ítalíumeistarar Napoli, sem og Roma, áhuga á Hudson-Odoi.
Hudson-Odoi gekk í raðir Forest frá Chelsea árið 2023 og hjá félaginu vilja menn ólmir halda honum. Verður honum sennilega boðinn nýr og betri samningur.
