Séra Geir Waage, pastor emiritus, er ekki sáttur við þær breytingar sem boðaðar hafa verið í handbókardrögum sem Guðrún Karls Helgudóttir, biskup Íslands, kynnti á prestastefnu fyrir skemmstu.

Geir er til viðtals í Morgunblaðinu í dag en þar er fjallað um breytingarnar sem fela meðal annars í sér að kvengera guð og tala um öll kyn. Þá er óður til Allah birtur á arabísku í íslenskri sálmabók.

„Hér er um óvita­skap að ræða. Mér vit­an­lega eru kyn­in líf­fræðilega tvö, karl­ar og kon­ur. Svo eru til alls kon­ar af­brigði sem hafa alltaf verið, bæði hvað varðar lík­ams­gerð og hneigðir,“ segir Geir meðal annars við Morgunblaðið.

Hann segir alvarlegast í þessum drögum þó vera breytingin á þrenningarlærdómnum svokallaða og guð kvengerður.

„Þegar menn eru farn­ir að skipta föðurn­um, skap­ar­an­um, út fyr­ir eitt­hvað annað þá erum við kom­in á villuvegu. Þá er verið að kenna villu­trú og það hef­ur mjög slæm­ar og al­var­leg­ar af­leiðing­ar þegar til lengd­ar læt­ur. Ef mönn­um finnst eitt­hvað vanta upp á kven­kynið í hina helgu fjölskyldu þá er María Guðsmóðir þar á sín­um stað,“ segir hann við Morgunblaðið þar sem fjallað er nánar um málið.