Tveir erlendir ferðamenn fundust látnir á hóteli í miðborginni á áttunda tímanum í morgun. Þriðji aðilinn, einnig erlendur ferðamaður, var enn fremur á vettvangi og var sá með áverka.
Viðkomandi var færður undir læknishendur.
Þetta kemur fram í tilkynningu frá lögreglunni á höfuðborgarsvæðinu.
„Tilkynning um málið barst lögreglu kl. 7.14 en málsatvik eru um margt óljós enda rannsókn þess á frumstigi. Ekki er hægt að veita frekari upplýsingar að svo stöddu.“
