Voru Úkraínumenn sagðir hafa verið að verki. Ekkert hefur verið gefið út um þetta opinberlega en herbloggararnir virtust margir hverjir ansi vissir í sinni sök.
BT segir að þetta snúist um heimsókn Pútíns til héraðsins Kúrsk en þar hafa úkraínskar hersveitir tekist á við rússneskar hersveitir mánuðum saman í kjölfar þess að Úkraínumenn lögðu töluverðan hluta héraðsins undir sig síðasta sumar.
Fyrir nokkrum vikum sögðu Rússar að þeim hefði tekist að hrekja Úkraínumenn alfarið frá héraðinu en því eru Úkraínumenn nú ekki sammála.
En til að fagna þessu heimsótti Pútín Kúrsk þann 20. maí. En miðað við skrif herbloggarana þá hefði heimsóknin getað endað hörmulega fyrir Pútín.
Herbloggararnir segja að Pútín hafi verið fluttur á milli staða í herþyrlu og að skyndilega hafi úkraínskir drónar ráðist á þyrluna.
Einn herbloggarinn, sem er með 250.000 fylgjendur, lýsti þessu svona: „Misheppnað tilræði við forseta Rússlands. Þyrlan, sem flutti forsetann, var skotmark úkraínskra dróna þegar hann heimsótti Kúrsk.“
Úkraínskir fjölmiðlar og Newsweek lýstu þessu á sama hátt og höfðu þetta eftir rússneskum herforingja.
Spurningin er hins vegar hvort árásin beindist að Pútín og hvort Úkraínumenn vissu að hann var um borð.
Rússneskum loftvarnarsveitum tókst að sögn að koma í veg fyrir árásina.
