Barcelona hefur staðfest það að félagið sé ekki að eltast við sóknarmanninn Viktor Gyokores fyrir sumargluggann.
Gyokores raðaði inn mörkum fyrir Sporting í Portúgal annað tímabilið í röð og er orðaður við fjölmörg stórlið.
Deco, yfirmaður knattspyrnumála hjá Barcelona, staðfestir þó að hans menn séu ekki að horfa í að fá Gyokores í sumar.
,,Gyokores er frábær framherji sem gerði frábæra hluti fyrir Sporting en við erum ekki að horfa í þessa stöðu. Við erum með níu í Robert Lewandowski,“ sagði Deco.
Gyokores er einn eftirsóttasti framherji Evrópu og er orðaður við lið eins og Arsenal og Manchester United.
