Rúnar Kárason, fyrrverandi landsliðsmaður og einn besti leikmaður Íslandsmeistaraliðs Fram í handbolta, var gestur Helga Fannars og Hrafnkels Freys í nýjasta þætti af Íþróttavikunni.
Rúnar er að sjálfsögðu stuðningsmaður Fram í fótboltanum og var rætt um gengi liðsins í Bestu deild karla það sem af er, en liðið er í 6. sæti.
„Það væri bara eins og titill fyrir Fram að ná efri hlutanum,“ sagði Rúnar. Hrafnkell telur það vel mögulegt.
„Eins og þetta er að spilast núna eru 2-3 lið pottþétt þarna uppi en annars er þetta bara laust fyrir aðra.“
