Peter Cunningham, 54 ára karlmaður frá Liverpool biður lögregluna þar í borg um að gefa út nafn á árásarmanninum frá því á mánudag.

Cunningham hefur verið ranglega sakaður um að vera maðurinn og myndir birtir af honum á samfélagsmiðlum.

„Þetta er ekki ég, ég er bara í vinnu,“ segir Cunningham í viðtali við BBC.

Árásin átti sér stað þegar skrúðganga Liverpool var að taka enda, fögnuðu stuðningsmenn með leikmönnum liðsins eftir að hafa orðið enskur meistari.

Maðurinn ók af stað í gegnum hópinn en samkvæmt Daily Mail er grunur um að hann hafi verið ölvaður þegar verknaðurinn átti sér stað. Sást maðurinn yfirgefa nærliggjandi knæpu skömmu áður.

„Lögreglan verður að gefa út nafnið því ég hef verið sakaður um þetta. Vinir og fjölskylda hringja endalaust í sumar, lögreglan verður að gera eitthvað,“ segir Cunningham.

Daily Mail segir það stórt spurningamerki við skipulag lögreglu að maðurinn hafi getað keyrt bílnum af stað þegar um milljón manns voru þarna komnir saman.