Þrír ungir aðilar réðust á ungmenni í hverfi í Hafnarfirði þar sem hann varð fyrir höggum og spörkum ásamt því að vera ógnað með hníf. Málið unnið með barnavernd og foreldrum.

Þetta er á meðal þess sem fram kemur í dagbók lögreglunnar eftir næturvaktina. Einnig er getið um eftirfarandi atvik:

Tveir menn handteknir í hverfi 104 eftir að hafa hótað manni með hníf og haft af honum fjármuni, mennirnir voru vistaðir í fangaklefa.

Ölvaður ökumaður stöðvaður í hverfi 105 sem reyndist vera undir áhrifum áfengis, maðurinn einnig sviptur ökuréttindum og er um að ræða ítrekaðan akstur undir áhrifum og sviptur ökuréttindum.

Ökumaður undir áhrifum fíkniefna stöðvaður i hverfi 113, maðurinn einnig án ökuréttinda.

Ölvaður maður missti stjórn á rafmagnshlaupahjóli sínu í hverfi 111 með þeim afleiðingum að hann féll á hjólinu. Maðurinn slasaðist við fallið og var fluttur á bráðamóttöku með sjúkrabifreið.

Leigubílsstjóri aðstoðaður í hverfi 107 með farþega sem var ofurölvi í bifreiðinni, maðurinn vakinn og fór síðasta spölinn heim til sín fótgangandi.