Manchester United getur ekki sætt sig við að vera annað eða þriðja besta lið Englands að sögn fyrrum leikmanns félagsins, Wayne Rooney.

Rooney er markahæsti leikmaður í sögu Man Utd í ensku úrvalsdeildinni en hann lagði skóna á hilluna fyrir þónokkru síðan.

Man Utd hefur verið í töluverðri lægð síðustu ár og þetta tímabil í deild hefur verið fyrir neðan allar hellur þó liðið sé komið í úrslit Evrópudeildarinnar.

Rooney þekkir það vel að vinna titla með félaginu sem situr í dag í 15. sæti deildarinnar eftir 35 leiki.

,,Manchester United þarf að vera topp eitt, ekki topp þrjú. Það er það sem stuðningsmennirnir heimta frá þér og það sem félagið heimtar,“ sagði Rooney og vill því alvöru viðsnúning næsta vetur.

,,Auðvitað eru þeir að ganga í gegnum erfiða tíma en ekki misskilja hlutina, þetta er félag sem þarf að vinna stóru titlana.“

,,Þeir þurfa að vinna titla og það er pressan sem fylgir því að spila og vinna fyrir Manchester United. Þeir þurfa að finna beinu brautina.“