The Sun er nú búið að nafngreina manninn sem komst í vandræði á fimmtugsafmæli sínu í byrjun árs en það er fyrrum leikmaðurinn Nicky Butt.

Butt varð fimmtugur þann 21. janúar síðastliðinn en hann gerði garðinn frægan sem leikmaður liða eins og Manchester United og Newcastle.

Það var afmælisbarnið sjálft sem komst í vandræði við lögin í afmælinu en hann skallaði öryggisvörð þetta kvöld að sögn Sun.

Butt hefur játað á sig sökina og tekur sinni sekt fyrir árásina og hefur einnig boðist til þess að gefa pening til góðgerðarmála.

Atvikið átti sér stað þann 24. janúar og gerðist um sjö um kvöld en Butt er talinn hafa verið undir miklum áhrifum áfengis og í ósæmilegu standi.

Öryggisvörðurinn á staðnum sá Butt pissa utandyra og reyndi að ræða málin áður en sá enski trylltist sem varð til þess að hann skallaði starfsmanninn.

Hann var fluttur á sjúkrahús og óttaðist að um nefbrot væri að ræða en mun ekki leggja fram frekari kæru á hendur fyrrum enska landsliðsmannsins.