Fram vann útisigur á Þór í 14 .umferð Lengjudeildar karla í kvöld.
Fram var betri aðilinn í fyrri hálfleik og tók forystuna verðskuldað í lok hans. Þá skoraði Alexander Már Þorláksson með skalla eftir hornspyrnu sem Albert Hafsteinsson tók.
Heimamenn áttu fínan seinni hálfleik. Það var þó Indriði Áki Þorláksson sem gerði út um leikinn fyrir Fram undir lok leiks. Hann skoraði þá eftir sendingu frá Alberti. Lokatölur 0-2.
Fram er á toppi deildarinnar með 35 stig eftir þrettán leiki. Liðið er með 9 stiga forskot á ÍBV í öðru sæti og 13 stiga forskot á Kórdrengi í því þriðja.
Þór er í sjötta sæti með 19 stig eftir fjórtán leiki. Liðið siglir nokkuð lignan sjó.
