Ed Woodward, varaformaður Manchester United, er staddur á Etihad vellinum í kvöld og horfir á liðið spila.
Woodward komst í fréttirnar í gær þegar glæpamenn gerðu allt vitlaust fyrir utan heimili hans í Cheshire.
Þeir réðust að heimili Woodward með blysum og flugeldum en sem betur fer voru Woodward og hans fjölskylda ekki heima.
Um 20 til 30 ‘stuðningsmenn’ mættu fyrir utan húsið hans áður en lögreglan mætti á svæðið.
Woodward lét það ekki stöðva sig og mætti á leik við grannana í Manchester City í kvöld í deildarbikarnum.
Um er að ræða seinni leik liðanna af tveimur en City vann fyrri leikinn 3-1 á Old Trafford.