Alexandre Lacazette, leikmaður Arsenal, viðurkennir að liðið þurfi verulega á landsleikjafríinu að halda.
Síðasta umferð ensku úrvalsdeildarinnar í bili fór fram um helgina og tapaði Arsenal sannfærandi 2-0 gegn Leicester.
,,Okkur vantar sjálfstraust og við þurfum landsleikjafríið. Ég vona að allir komi til baka sterkir,“ sagði Lacazette.
,,Við þurfum að vinna meira en áður og finna sjálfstraustið. Við erum mjög vonsviknir.“
,,Við fengum tækifæri í fyrri hálfleik gegn Leicester en náðum ekki að skora. Þú þarft að nýta færin í svona leik.“