Paul Ince, fyrrum leikmaður Manchester United, hefur tjáð sig um stöðu félagsins undir Ole Gunnar Solskjær.
Miðað við orð Ince þá hefur hann ekki mikla trú á að gengið muni batna undir stjórn Norðmannsins.
,,Við vitum að Ole mun fá gagnrýni og hann er undir pressu því úrslitin eru ekki að skila sér,“ sagði Ince.
,,Áhyggjuefnið er líka að við erum ekki að fá nein merki um það að spilamennskan sé að batna.“
,,Þeir gætu endað í neðri hluta deildarinnar. Ole segir eftir leiki að þeir séu að vinna í þessu en ég hugsa með mér í hverju þeir séu að vinna.“
,,Þegar ég horfi á þetta lið spila þá sé ég ekki hvað þeir eru að reyna að gera.“