Arsenal er félag sem reynir ekki við Englandsmeistaratitilinn í dag segir Paul Merson, fyrrum leikmaður liðsins.

Arsenal hefur ekki unnið deildina frá árinu 2004 er liðið fór ósigrað í gegnum allt tímabilið.

Merson segir að það séu breyttir tímar í dag og að hans lið stefni ekki svo hátt í dag.

,,Ég var mjög heppinn að fá að spila fyrir Arsenal, ótrúlegt knattspyrnufélag,“ sagði Merson.

,,Þetta er þó komið á þann stað að síðustu sjö, átta, níu, 10, 11, 12 og 13 árin – komdu þér í Meistaradeildarstæti.“

,,Þetta snýst ekki um að vinna deildina, þetta snýst um að komast í efstu fjögur sætin.“