Guðjón Baldvinsson framherji Stjörnunnar er kominn til Indlands til að semja við Kerala Blasters.

Þjálfari liðsins er David James en Hermann Hreiðarsson var ráðinna aðstoðarþjálfari liðsins. Guðjón yrði lánaður en ofurdeildin í Indlandi klárast í mars og því verður hann klár í Pepsi deildina í sumar.

Með Kerala Blasters leika bæði Dimitar Berbatov og Wes Brown fyrrum leikmenn Manchester United. Kerala Blasters er í sjöunda sæti af tíu liðum sem eru í deildinni en margar gamlar hetjur hafa spilað á Indlandi.

Guðjón er 31 árs gamall en hann skorað tólf mörk í Pepsi deildinni síðasta sumar.

„Mættur til Indlands á hugsanlegt lán, kemur í ljós á næstu dögum hvort þetta verði 2ja mánaða ævintýri eða 3ja daga flugferð. Hvað sem gerist þá er ég þakklátur fyrir allar þær upplifanir sem fótboltinn hefur gefið mér og fjölskyldunni í gegnum árin,“ skrifar Guðjón á Facebook í dag.