Lítil stemning er í þjóðfélaginu fyrir Samfylkingunni. Margir hafa haft á orði að það eina sem geti bjargað flokknum frá því að mást út af hinu pólitíska korti sé róttæk endurnýjun á forystusveitinni. Tilraun til endurnýjunar var gerð um síðustu helgi þegar Heiða Björg Hilm­is­dótt­ir, borg­ar­full­trúi Sam­fylk­ing­ar­inn­ar, var kjör­in vara­formaður flokks­ins. Hún er eiginkona Hrannars Arnarssonar, fyrrverandi aðstoðarmanns Jóhönnu Sigurðardóttur. Það vakti nokkra athygli og taldist til tíðinda þegar Jóhanna lýsti yfir stuðningi við Heiðu Björgu í prófkjörsslag Samfylkingarinnar fyrir borgarstjórnarkosningarnar árið 2014. Segja má að með kjöri Heiðu Bjargar í varaformannsembætti flokksins sé Jóhönnu-armurinn aftur kominn til vissra áhrifa í flokknum. Ekki er þetta sú róttæka uppstokkun sem ýmsir Samfylkingarmenn telja brýna þörf á. Reyndar er stemningarleysið innan Samfylkingarinnar svo mikið að enginn annar en Heiða Björg sýndi áhuga á varaformannsembættinu. Hún var því sjálfkjörin.